Chéganos un convite desde o GDR MARIÑAS - BETANZOS para a XORNADA:  "Variedades locais e gastronomía":

Diríxome a vostede para invitalo á Xornada sobre “VARIEDADES LOCAIS E GASTRONOMÍA” que se celebrará o vindeiro LUNS 12 de Setembro de 2011, na Aula de Cociña de Porto Muiños (Pza. Casares Quiroga, 5-6-7. A Barcala. 15660 Cambre – A Coruña), ás 10:30 horas.

Xúntase tríptico coa información da xornada.

Esta Xornada hai que enmarcala na estratexia posta en marcha desde o Grupo de Desenvolvemento Rural Mariñas – Betanzos e especificamente no marco do proxecto de cooperación “Nuevos Horizontes”.

(www.proyectonuevoshorizontes.blogspot.com)

O GDR Mariñas-Betanzos está comprometido co Desenvolvemento Rural, a xeración de emprego, a recuperación dos cultivos tradicionais, a súa valorización a través da gastronomía, animar o consumo das variedades locais e a súa comercialización en circuítos curtos e na restauración local.

No transcurso desta Xornada degustaremos os produtos obtidos nas parcelas demostrativas postas en marcha no marco do proxecto de cooperación "Nuevos Horizontes" durante este ano 2011, así como outros produtos agroalimentarios e produtos do mar do territorio.

Sen máis que agradecer a súa colaboración e apoio a esta iniciativa, e contando que poida asistir a esta xornada, reciba un moi cordial saúdo,

MÁIS INFORMACIÓN E INSCRICIÓNS:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo tlfno. 981 669 541