A partir do 1 de xullo deste ano, os produtos ecolóxicos á venda na Unión Europea deberán acreditar a súa autenticidade portando un logo que acaba de presentarse, resultado dun concurso para a súa elección. O gañador é un estudante alemán que obtivo o 63% dos votos e 6.000 euros.

O logotipo foi presentado onte en Bruxelas pola comisaria de agricultura Mariann Fischer Boel, e consiste nunha folla de árbore formada por estrelas sobre un fondo verde. A votación foi cidadá e realizouse online.

Segundo a comisaria, con este proxecto a UE pretende "promover os produtos ecolóxicos europeos e facer conciencia entre os consumidores sobre a importancia deste tipo de produción".

O uso deste logo será obrigatorio para os produtos que demanden ser considerados como ecolóxicos procedentes da UE. Para os extracomunitarios será opcional.

Ademais deste logo, a normativa europea comprende tamén a posibilidade de que outros logos, privados, rexionais ou nacionais, poidan aparecer na etiquetaxe dos alimentos ecolóxicos. Esta normativa, que regula a produción agroalimentaria ecolóxica será modificada nas próximas semanas para introducir o novo logo nun dos seus anexos.

O logo gañador e os dous finalistas (premiados con 3.500 e 2.500 euros respectivamente) pódense ver na páxina da Comisión Europea.

Estudantes europeos de arte e deseño presentaron unhas 3.500 propostas das que un xurado selecionó o tres finalistas. Destas, os cidadáns ao corrente do proxecto elixiron a través da web o logo gañador.

Fonte: Ecoperiodico, El Universal, EcoNoticias
Imagen: Comisión Europea