ECOCULTURA, a Feira Hispanolusa de Produtos Ecolóxicos que se celebra en Zamora (España) durante os días 8, 9 e 10 de outubro de 2010, xa se converteu nun punto de referencia como convocatoria transfronteiriza de produtores, elaboradores e distribuidores de produtos ecolóxicos.

Máis de 100 expositores de todos os sectores daranse cita nesta sétima edición que terá un marcado carácter profesional e que, como en anos anteriores, complementarase cun bo número de actividades paralelas, como conferencias, mesas redondas, talleres, degustacións, catas dirixidas, encontros etc.

A participación na feira poderá realizarse por tanto como expositor ou como visitante profesional, ademais está claro, que como público e consumidor. A entrada para o público é gratuíta. Para os que non poidan asistir, Ecocultura porá á súa disposición este ano un espazo virtual onde anunciar ofertas ou demandas de produtos ecolóxicos, así como calquera outra información que poida ter interese para o sector.

Fonte: www.ecocultura.org