|
|
|
Escrito por Agrelar
|
|
Xoves, 28 Xullo 2011 09:10 |
|
Xa está listo o novo catálogo de Naturavia, con novos productos e unha imaxe renovada. Podes consultalo na súa nova páxina web: www.naturavia.info
|
|
Escrito por Agrelar
|
|
Martes, 24 Maio 2011 08:53 |
|
Dende Asociación Cultural Pepa Loba convidámoste a participar no Bioterra 2011: II Festival de Consumo Consciente e Responsable, que se celebrará na Praza Maior de O Carballiño, o domingo 5 de xuño para conmemorar o día mundial do Medio Ambiente nun espazo de crítica e reflexión en positivo.
|
|
Escrito por Agrelar
|
|
Venres, 13 Maio 2011 08:03 |
|
 O aceite biolóxico de Casa Valbom, foi o producto escollido para poñer en marcha a primeira encomenda da Rede Galega de Consumo Responsabel.
Unha rede colaborativa, da que forma parte Agrelar, que xunta diversos grupos, asociacións e cooperativas con unha filosofía común. Allariz, primeiro ponto de recollida do aceite ecolóxico procedente de Mirandela.
Xosé, do Grupo de Consumo Responsabel Agrelar, recolle a primeira entrega. Carballiño, Santiago, A Coruña, Ferrol e Lugo os seguintes destinos no día de hoxe para o Alberto de Casa Valbom.
Desde Agrelar os parabéns a todas por este primeiro paso conxunto!
|
|
Escrito por Agrelar
|
|
Mércores, 04 Maio 2011 09:37 |
|
Despois daquelas I Xornadas que foron tan satisfactorias e onde a enerxía vibrou tan ben, pensamos que esta vez tamén necesitamos abrirnos un pouco máis á sociedade e mostrar outra forma posible, viable e necesaria de consumir. A presencia das socias e das produtoras zocamiñoqueiras é importante para poñer voz e cara a persoas que, en maior ou menor medida, estamos cambiando aspectos importantes da nosa vida grazas á cooperativa. Gustaríanos moito que, na medida das vosas posibilidades, vos implicarades acudindo, difundindo e convidando ás vosas amigas ás xornadas: sería estupendo traballar todas xuntas!
En canto á programación, o venres 6 presentaremos unha selección de docus escollidos por membros de Zocamiñoca para que poidamos reflexionar, falar, preguntarnos, sacar ideas, o que sexa, sempre co noso espírito crítico, positivo e propositivo.
O sábado 7 esperamos contar con membros do recén constituído grupo de ATTAC na Coruña para despois pasar a ter un coloquio entre todas as presentes a partir da exposición das visións da cooperativa dunha produtora e dunha socia, e así poder compartir con todas as asistentes experiencias persoais de cambio.
- Lugar: Casa Casares Quiroga (r/. Panadeiras, 12), A Coruña
- Días: Venres 6 de maio (19.30 horas) e sábado 7 de maio (19 horas)
- Organiza: Cooperativa de Consumo Responsable Zocamiñoca
- Colabora: ATTAC Coruña
- Máis info:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
698 183 847
Acceso libre
|
|
|
|
|
|
|
Páxina 1 de 5 |
