Chéganos esta información desde o SLG:

Fortalecendo alianzas na construción da Soberanía Alimentaria.
Circuítos curtos de comercialización, un proxecto de resistencia.

Día 1 de outubro, presentamos os nosos produtos.

O Sindicato Labrego Galego, na súa loita pola Soberanía Alimentaria e polo recoñecemento dos dereitos das labregas, organiza esta xornada no marco do proxecto de CERES “Produtos locais, todas gañamos”

Neste caso, o día 1 de outubro un grupo de labregas vai presentar os seus produtos (frescos de tempada e tamén os elaborados por elas mesmas) a diferentes asociacións cidadáns. A xornada será dende as 10:30 hora ate as 19:00 horas na casa de turismo rural Casa do Cruceiro que está no Concello de Ames, parroquia de Raíces.

Haberá unha exposición dos produtos que temos neste momentos.

PROGRAMA.

10:30 h Chegada de participantes.

11:00 h Presentación da xornada e das e dos participantes.

12:00 h Presentación dos produtos a cargo das mulleres produtoras

14:00 h Comida

15:30 h Continuación da presentación

16:30 h Consumidores e consumidoras ¿qué esperan da parte produtora?

18:00 h Degustación de produtos variados

19:00 h Fin da xornada.

Como está previsto un xantar, é imprescindible anotarse no correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou chamando ao teléfono 981 554 147 (preguntar por Lorena)

Atentamente,

Carme Freire Cruces
Secretaria Xeral do Sindicato Labrego Galego