|
Somos un grupo de persoas comprometidas coa transformación do mundo onde vivimos. Persoas que seguen pensando que outro mundo é posibel, e que entre todos e todas podemos conseguilo.
Un grupo que nos definimos “responsabel”, porque pretendemos manter unha forma de consumo consciente e respetuosa co medio, incluídas as persoas que vivimos nel. Así podemos definir a filosofía deste grupo, da seguinte forma:
-
Consumo de productos ecolóxicos.
-
Desenvolvemento sostible. Respeto ao medioambiente, incluídas as persoas e animais que traballan a terra.
-
Desenvolvemento local. Fomento para o consumo de productos da zona.
-
Apoio directo aos pequenos/as productores/as, evitando intermediarios/as e distribuidoras, sempre que sexa posible.
-
Compromiso para con aqueles productores/as que teñan unhas condicións dignas de traballo para con os seus asalariados/as.
-
Posta en valor do traballo do campo.
-
Principio de confianza cos productores/as.
-
Xestión compartida-cooperativa do grupo e fomento de relacións de interdepencia entre as persoas (fronte aos individualismos).
|
|
|
Así mesmo, teremos tamén en conta nas nosas eleccións os seguintes criterios:
-
Embalaxe do produto: Evitarase na maior medida a embalaxe dos produtos. Serán mellor valoradas as embalaxes feitas con materiais naturais, non contaminantes, recicladas, reciclables, reutilizadas, reutilizables, con baixa enerxía gris (a enerxía que conleva a súa produción e transporte).
-
Relación co grupo: Valorarase positivamente que o/a produtor/a xa tivera relación e/ou implicación co grupo. É un forma de dar continuidade e estabilidade aos proxectos e iniciativas.
-
Tamaño da finca: Coa idea de diversificar e apoiar novas iniciativas, os proxectos e/ou fincas de pequeno e mediano tamaño serán mellor valorados que as grandes.
|
|
Falaremos de duas vertentes: consumo responsabel así como sensibilización e transformación social.
Por consumo responsable, falamos da forma de organizarnos para consumir productos coas características anteriormente descritas. Deste xeito falamos polo tanto das seguintes opcións:
-
Recepción de cestas con productos ecolóxicos variados e de tempada, con unha perioricidade quincenal.
-
Encargos complementarios de alimentación en ecolóxico ou de outro tipo de productos, que se realizarán a demanda de alguén do grupo e coa finalidade de sumarse aqueles/as que precisen eses productos.
Sobre a recepción de cestas quincenais, eleximos o modelo de cuotas, que consiste no encargo permanente dun número de cestas para un número concreto de demandantes, de forma que aseguremos ao productor/a un mínimo que o axude na súa mellor organización para os productos (desenvolvemento sostible). Esta forma é revisable de xeito que se o grupo crece poderiamos plantexar a posibilidade de ser máis flexibeis.
Por sensibilización e transformación social, falamos da posibilidade real de traballar para ofrecer novos modelos de consumo á poboación, de forma que desmitifiquemos ideas preconcebidas sobre o consumo en ecolóxico. Somos un grupo activo e con idea de transformación social. |
|
Que implica formar parte da comunidade?
- Compartir e respectar a filosofía e criterios do grupo.
- Colaborar nas tarefas organizativas (sensibilización, transformación social e consumo responsabel) e de toma de decisións.
- Participar con entusiasmo e confianza no proxecto, fomentando as relacións cooperativas na comunidade.
Como podo formar parte da comunidade?
- Mostrando o teu interese. Contactando persoalmente con calquera integrante do grupo ou achegándote ao ponto de reunión e de entrega de cestas, os mércores (alternos cada 15 días), habitualmente de 19:30 a 20:30 no Fogar dos Maiores.
- Asumindo os compromisos que implica formar parte da comunidade.
Contacto Agrelar: agrelar[a]agrelar.net
Listaxe Agrelar: lista.cr[a]allariz.agrelar.net |
|
|
|
|
|
